السبت، 12 يناير 2013

ولا يهمك المس جسمي..

كل ماأتكلم عن موضوع التحرش في اى مكان لازم الاقي الشخص ده..."التحرش دة مشكلة مجتمع بأكمله مشكلة بطالة وشباب مش بيشتغل وشباب مش لاقي فلوس عشان يتجوز فبيتحرش"..
الشخص دة موجود في كل مكان اى حد يتكلم فيه عن التحرش..
انا كلامى هيكون للشخص دة..لكل شخص شايف المنطق دة مبرر للتحرش..لكل واحد شايف ان التحرش اصلا له مبرر..
انا مبدأيا هوافقك في كلامك وهقولك ..اه المجتمع بتعنا "تعفن" من كتر الامراض اللى فيه  زى"مفيش شغل ..مفيش فلوس..وحتى لو في شغل مفيش فلوس..قناة التت ...:D "كل المشاكل دى بيواجهها فعلا مجتمعنا ..بس...
 هل دة مبرر ان امشي يتلمس جسمي..ويطلب نمرتى ..ويتقلى في ودانى كل الكلام الأبيح اللى مينفعش أسمعه..!!
هل دة مبرر ان كل بنت في مصر تفكر ألف مرة قبل ما تنزل الشارع.!!
هل دة مبرر ان كل بنت في مصر متحاولش تنزل في العيد...!
هل دة مبرر ان كل بنت في مصر وهى نازلة لكليتها او لمدرستها او للدرس تنزل شايله الهم..!!
هل دة مبرر ان كل بنت في مصر تتمنى انهم يتكلمو بس وميلمسوش جسمها..!!
...انا هقول مثال مع ان انا اكتر حاجة بكرهها في حياتى انى اقول مثال عن التحرش لأن التحرش مينفعش يضرب بيه أى مثل..بس هقول وأمرى لله..
لو كانت السرقة مبرر للجعان..!!! فأنا همشي كل يوم اقول للشباب أتحرشو بيا....!
..............
انا خلصت كلامى والمجتمع لسه برضو "متعفن "....اوعو تحلو مشكلة التحرش ..وأوعو تحلو المشاكل ولا تلمسو البلد...
ولا يهمك يا سيدي المس جسمي انا..........!

مرسلة بواسطة في

هناك 3 تعليقات:

  1. Unknown12 يناير 2013 في 8:35 ص

    انا هرد على حضرتك و يا ريت لو تردى نتناقش انتى للاسف معممه الموضوع و برضه شايفه ان كل البنات بيتحرش بيهاو لو انتى شايفه ان فى حد من حقه ان يلمس بنت مش حلاله لو ايه يبقى ينقطع ايده بس خلينا نعرف ليه انتى مش عايزه حد يلمس جسمك علشان حرام ولا حريه شخصيهيا ريت تردى علشان اكمل لو حابه

    ردحذف
  2. Unknown12 يناير 2013 في 3:39 م

    أزال المؤلف هذا التعليق.

    ردحذف
  3. Unknown12 يناير 2013 في 4:00 م




    التحرش من منطور إجتماعى نفسي
    لن نتناول الموضوع من نفس الاتجاهات التى يتناولها الاعلام سندخل له من منظورجديد منظور إجتماعى نفسي
    ماذا وراء التحرش
    ان الاسباب الرئيسية وراء التحرش هى :
    1/ البلطجة
    ان المعنى الحقيقي للبلطجة هو أن تأخذ من ليس من حقك بواسطة بلطة والبلطة هنا ليست الأداة بأسمها بل هى الوسيلة التى تصل بها من خلال القوة .. وتصبح البلطة فى حالة التحرش هى اليد وزيادة نسبة البلطجة فى المجتمع وعدم وجود رادع لها لسبب عميق وجذرى فى زيادة هذه الظاهرة .
    2/ السادية
    الممارسات الوحشية والقسوة التى يتعرض لها الاطفال والتى تأتى فى إطار اهتزاز السلم الاخلاقى الذى يمر به المجتمع وغياب القدوة فإن تضافر هذه المدخلات قد يؤدى الى إصابة الطفل بنوع من السادية تجعله يرى أن يجعل من المرأة حق له ومن ممتلكاته وشئ تحت سيطرته .
    3 / الإعلام
    ان المعالجة الاعلامية للموضوع سيئة وتركز على اسباب ظاهرية وتترك الاسباب الجذرية للمشكلة
    ويختلف التناول حسب طبيعة القناة ، فترى القنوات الاجتماعية ان المشكلة من الشباب فاقد التربية والذى يستبيح لنفسه التحرش
    فيما ترى التيارات الاسلامية وقنواته أن الفتاه هى المخطئ بملابسها التى تستفذ الشباب .
    وهذا ملاحظ من حملة الحرية والعدالة ( لا تكونى سبب للتحرش )


    وكذلك حديث أحد المشايخ السلفيين فى التحرش أن كنت منتقبة وتعرضت للتحرش فى الشارع فأنت السبب لانك لو راجعت نفسك لوجدت نفسك نزلت لغير حاجة ملحة فسلط الله هذا الذئب البشرى خلفك ، وكانت وصيته للنساء راجعى نفسك ولا تنزلى لغير حاجة .
    من الضحية
    اننا نرى ان الشباب والفتيات ضحايا نفسيين فالشباب ضحايا للابتذال والثقافة الاجتماعية التى تضمحل ف الاغانى أصبحت
    * هاتى بوسة يابت
    * عليكي ماشية الله يخليك بالراحة عليا
    وكذلك قفشات الافلام
    * انا لو إبنك مش هتفطم
    * ايه يا مز عايزك فى كلمة سافلة
    كذلك مشاهد العرى التى أصبحت جزء من الانتاج الاعلامى ، وأيضاً سهولة الحصول على الافلام الاباحية ،، وتردى المستوى الثقافى فأصبحنا نعيش فى طور الحياة الاول طور اللمس والاستكشاف .. تلك هى المعاناة النفسية التى تجر الشباب الى التحرش
    أما الفتاة فإن الضرر الواقع عليها هو أشد أثر لانها العنصر الاضعف
    كما أن القانون لا يحميها من التعرض للتحرش ، كذلك نظرة المجتمع لها تكون سيئة
    لذا وجب على المشرع النظر بعين الحكيم للمشكلة وأن يكون قانونه رادع للجميع

    بقلمى / مصطفى فوزى عزب

    ردحذف

الاشتراك في: تعليقات الرسالة (Atom)