البداية
مش عارفة أبدأ منين ..ولا حتى أقول اية..بس هبدأ بجملة يمكن سمعتوها كتير..
أنا بنت أتعرضت لتحرش..
ايوة يا كابتن مستغرب انى بقول ولا مستغرب انى اتعرضت لتحرش..
المهم..
بما ان انا اتعرضت لتحرش وبما أن انا رافضة انى اتعرض لتحرش وبحارب دة.اخدت خطوات ايجابية قبل كدا..
اول خطوة اخدتها انى بصتله بقرف جدا لما اتحرش بيا "محدش يشتم دى كانت اول خطوة بقول"..
تانى خطوة اخدتها انى اعترضت جدا جدا وزعقت وقلتله انت "ابن كلب"..الحق يتقال ان الناس في الشارع مسكتوش ووقفو في وشي وقالولى "عيب يابنتى تقولى ابن كلب دى"...
تالت خطوة اخدتها ودى اهم خطوة بقا انى عملت محضر..عملت قبل كدا محضرين في اتنين متحرشين ومعرفش لحد دلوقتى حصل فيهم اية لأنى متابعتش المحاضر ولا حتى الحكومة تابعت المحاضر ..اعتقد ان كل اللى حصل فيهم ان اللى اتحرشو بيا لسة بيتحرشو..
واجهت ودافعت عن القضية كتير وشاركت في حملات كتيييييير لدرجة انى عملت لوحدى حملة مرة ...والحمد لله "متغيرش حاجة"..
بحاول اعمل مشروع كامل ضد التحرش..في الوقت دة..
محضر .وزعيق.ومدونة..ومشاركة.ومؤتمرات.ونزول الشارع وبادجات..وكل اللى حصل في القضية ان الناس عرفت ان في تحرش بس..مفيش اى جديد حصل فيها..
حتى باسم يوسف مش عاوز يعمل حلقة عنها .:D
فأنا قررت انى أدون ومش منتظرة حل ..انا منتظراكم تقرو يومياتى..
أنا بنت أتعرضت لتحرش..
ايوة يا كابتن مستغرب انى بقول ولا مستغرب انى اتعرضت لتحرش..
المهم..
بما ان انا اتعرضت لتحرش وبما أن انا رافضة انى اتعرض لتحرش وبحارب دة.اخدت خطوات ايجابية قبل كدا..
اول خطوة اخدتها انى بصتله بقرف جدا لما اتحرش بيا "محدش يشتم دى كانت اول خطوة بقول"..
تانى خطوة اخدتها انى اعترضت جدا جدا وزعقت وقلتله انت "ابن كلب"..الحق يتقال ان الناس في الشارع مسكتوش ووقفو في وشي وقالولى "عيب يابنتى تقولى ابن كلب دى"...
تالت خطوة اخدتها ودى اهم خطوة بقا انى عملت محضر..عملت قبل كدا محضرين في اتنين متحرشين ومعرفش لحد دلوقتى حصل فيهم اية لأنى متابعتش المحاضر ولا حتى الحكومة تابعت المحاضر ..اعتقد ان كل اللى حصل فيهم ان اللى اتحرشو بيا لسة بيتحرشو..
واجهت ودافعت عن القضية كتير وشاركت في حملات كتيييييير لدرجة انى عملت لوحدى حملة مرة ...والحمد لله "متغيرش حاجة"..
محضر .وزعيق.ومدونة..ومشاركة.ومؤتمرات.ونزول الشارع وبادجات..وكل اللى حصل في القضية ان الناس عرفت ان في تحرش بس..مفيش اى جديد حصل فيها..
حتى باسم يوسف مش عاوز يعمل حلقة عنها .:D
فأنا قررت انى أدون ومش منتظرة حل ..انا منتظراكم تقرو يومياتى..
عيب يابنتى تقولى ابن كلب دى
ردحذف..... العيب مبقاش فى البلد ولا البيتحرشوا العيب بقا فينا عشان احنا ال بقينا نخاف بقينا نقول نودى وشنا الناحية التانيه بقينا نمشى جمب الحيط لحد ما بقينا احنا والحيط واحد العيب مش على المتحرش العيب على ال مش لاقى حد يوقفوا عند حده بقينا نقول ايوة واحنا مكسورين وبقينا نقول لا واحد خايفين مش عارفين هنوصل لحد فين فا ال اقدر اقولهولك دلوقتى حسبى الله ونعم الوكيل فيهم ومن عمل يعمل ولو بعد حين
احييكي طبعا يا هدير على موقفك وده الطبيعى أصلا من بنت بلدى الجدعه جدا :)
حذفمبدئيا انا شايف أن مشكلة التحرش دى مشكلة كاملة متكامله أو مشكلة ليها جوانب كتير جدا منها الاجتماعى والثقافى والسياسى والامنى وخلافه .
مشكلة التحرش تبدأ من رئيس الجمهوريه حتى المواطن اللى فى الشارع مرورا طبعا بمؤسسات الدوله والقانون وخلافه
انا شايف ان التحرش غلط مجتمعى منلومش عليه بس المتحرش لا أحنا المفروض نلوم المتحرش لتحرشه والمتحرش بيها لسكوتها وأستسلامها والمجتمع لتخاذله تجاه المتحرش ووقوفه معه ضد المجنى عليها والقانون لعدم احتواءه على نصوص تجرم التحرش وتعاقب القائم بهذا الفعل على الداخليه لعدم تنفيذها القانون بشكله الصحيح والرادع على الأهل لتخوفهم من المجتمع والناس ... الخ
مشكله مجتمعيه بحته يا هدير .. هتاخدى وقت لكن فى الأخر اكيد ان شاء الله هيكون مجتمعنا بدون تحرش .